धनगढी – केएमसी सिर्जनशील क्लबद्वारा निबन्ध प्रतियोगिता सम्पन्न भएको छ ।
धनगढीको कैलाली बहुमुखी क्याम्पसमा रहेको उक्त क्लबले आज शुक्रबार निबन्ध प्रतियोगिता गरेको हो ।
२४ जना सहभागी रहेको निबन्ध प्रतियोगितामा शिवराज उपाध्याय प्रथम हुनुभएको छ । त्यस्तै निर्मल भण्डारी दोस्रो, किरन कुमारी बुचामगर तेस्रो र अम्बिका महराले सान्त्वना पुरस्कार प्राप्त गरिएको गर्नुभएको छ ।
क्लबकी अध्यक्ष निर्मला भट्टको अध्यक्षतामा सम्पन्न उक्त कार्यक्रममा कैलाली बहुमुखी क्याम्पस, स्वतन्त्र विद्यार्थी युनियनका अध्यक्ष यमराज जोशीको प्रमुख आतिथ्यता रहेको थियो ।
प्रतियोगिताको निर्णायकमा कैलाली बहुमुखी क्याम्पसका उप-प्राध्यापक बासुदेव बिष्ट रहनुभएको थियो ।