धनगढी – अनेरास्ववियू सुदुरपश्चिम विश्वविद्यालय अर्थात् राष्ट्रिय कमिटी अध्यक्षमा सुनिलराज जोशी निर्विरोध चयन हुनुभएको छ ।
अनेरास्ववियू कैलाली बहुमुखी क्याम्पस कमिटीले आयोजना गरेको प्रशिक्षण कार्यक्रममा अनेरास्ववियू केन्द्रीय कमिटी कार्यवाहक अध्यक्ष नरेश न्यौपानेको प्रमुख आतिथ्यता र अनेरास्ववियू सुदूरपश्चिम प्रदेश कमिटी अध्यक्ष पुष्पलाल रोकायाको विशेष आतिथ्यतामा सञ्चालन भएको कार्यक्रमबाट अनेरास्ववियू सुदुरपश्चिम विश्वविद्यालय कमिटी अर्थात् राष्ट्रिय कमिटी अध्यक्षमा सुनिलराज जाेशी र सचिव मा ललित बोहरालाई निर्विरोध चयन गरिएको हो ।
अनेरास्ववियूले विद्यार्थीका समस्याहरु यथाशिघ्र समाधान गर्नका लागि सधै प्रतिवद्ध रहने र विद्यार्थीका लागि अनेरास्ववियूको प्रमुख एजेन्डा प्राविधिक र वैज्ञानिक शिक्षा प्रणाली लागू गर्नुपर्नेमा रहने अध्यक्ष जोशीले बताउनुभयो ।
उहाँले भन्नुभयो, “हामीले समयअनुसारको शैक्षिक गुणस्तर सुधारमा ध्यान दिने छौं ।”