धनगढी । दशरथचन्द बैतडी विद्यार्थी समाज कैलालीले १० दिने निशुल्क उद्घोषण तालिम सम्पन्न भएको छ । असार १८ गते (शनिबार) एक कार्यक्रमका बिच सहभागिहरुलाई प्रमाण पत्र वितरण गर्दै कार्यक्रम समापन गरेको हो । कार्यक्रममा करिब ५० जना भन्दा बढी सहभागिता रहेको थियो ।दशरथचन्द बैतडी विद्यार्थी समाज कैलाली समुहले धनगढीमा विभिन्न कार्य गर्दै आएको छ । उक्त समुहले असार ५ देखि १५ गते सम्म निशुल्क उद्य्घोषण तालिम दिएको थियो ।
यसरी उद्घोषण तालिममा सहभागि हुन पाँउदा सहभागिहरुले खुसी व्यक्त गरेका छन् । यो १० दिने तालिममा आफ्नो व्याक्तित्व बिकासमा टेवा पुगेको सहभागि दिनेश कामीको भनाई रहेको छ ।
अर्का सहभागि प्रकाश महरा बोलीमा मिठास कसरी भर्ने र कसरी बोल्ने भन्ने कुरा सिक्न पाएको बताउनुहुन्छ ।
दशरथचन्द बैतडी समाज कैलालीका अध्यक्ष चेतन बिक्रम चन्दले १० दिने उद्घोषण तालिममा करिब ५० जना परिक्षार्थीको सहभागिता रहेको बताउनुभयो । उद्घोषण तालिमका प्रशिक्षक प्रेम विवस चन्द रहनुभएको थियो । १० दिने तालिमपछि उहाँहरुको व्यक्तित्व विकास सँगसँगै बोल्न सक्ने क्षमताको पनि विकास हुने आयोजकको भनाई रहेको छ ।
