धनगढी – धनगढी । अखिल क्रान्तिकारी कैलालीद्वारा आयोजित प्रथम लालसलाम कपको उपाधि कैलाली बहुमुखी क्याम्पसले जितेका छ ।
धनगढी रंगशालामा वैशाख २० गतेदेखि जारी उक्त प्रथम लालसलाम कप पुरुष भलिबल प्रतियोगिताको फाईनल खेलमा ऐश्वर्य बहुमुखी क्याम्पसलाई ३-० को सोझो सेटमा पराजित गर्दै कैलाली बहुमुखी क्याम्पस ‘ए’ टिमले उपाधि हात पारेका हो ।
विजेता टीम केएमसीले एक लाख २५ हजार पुरस्कार प्राप्त गरेको छ । यस्तै उपविजेता बनेको ऐश्वर्य बहुमुखी क्याम्पसले नगद रु ८१ हजार र तृतीय बनेको सुदुरपश्चिम विश्वविद्यालय केन्द्रिय क्याम्पसले रु ५१ हजार प्राप्त गरेको छ ।