धनगढी – उदयदेव बहुउदेश्यीय सहकारीले जेष्ठ नागरिकहरुका लागि निःशुल्क आँखा जाँच शिविर सञ्चालन गरेको छ ।
शनिबार महेन्द्रनगरमा नेपाल नेत्रज्योति संघ गेटा आँखा अस्पतालको सहयोगमा उक्त शिविर आयोजना गरिएको हो ।
शिविरमा ६५ वर्षभन्दा बढी उमेरका दुई सय जनाको आँखा परिक्षण भएको छ ।
शिविरमा आँखा जाँच गराएकाहरु मध्य आवश्यक परेकाहरुलाई औषधी पनि सहकारीले नै उपलव्ध गराएको उदयदेव बहुउदेश्यीय सहकारीका कार्यकारी प्रमुख गणेश बहादुर चन्दले बताउनुभयो ।
त्यस्तै चश्मा र अप्रेशन गर्नुपर्ने तर, आर्थिक रुपमा कमजोर रहेकालाई सहकारी सहयोग गर्ने उहाँले बताउनुभयो ।
उदयदेव बहुउद्देश्यीय सहकारी संस्था लिमिटेड ले बित्तीय सेवा दिँदै आइरहेको र संस्थाले यस्तै सामाजिक क्षेत्रमा पनि सेवा दिने गरेको कर्मचारी जगदीश भट्टले बताउनुभयो ।
सहकारीले २६ वर्षसम्म नमुना सहकारीका रुपमा आफ्नै छुट्टै पहिचान कमाउन सफल भएको उहाँले बताउनुभयो ।
