धनगढी। यसपालिको नाग पञ्चमी र गुरही पर्व २०८१ साल श्रावण २५ गते शुक्ल पञ्चमीका दिन परेकाे छ । यस्ता चाडपर्वहरू किन मनाइन्छन् ? यसकाे महत्त्व के छ ? याे मेराे विशेष चाँसाे तथा रुचिकाे विषय भएकाेले आज मैले प्राप्त गरेकाे जानकरीका आधारमा केहि कुराहरू पाठकहरू समक्ष सम्प्रेषण गर्ने प्रयास गरेकाे छु । समय समयमा हुने चाडपर्वहरूकाे जगेर्ना गर्नु पर्दछ । थारु समुदायमा ‘गुरही’ मनाउनुको अर्थ, नाग बाबालाई पुजागर्दा विषालु सर्प घरमा नआउने, घरमा चट्याङ नपर्ने, आगलागी नहुने, दुःखको बज्रपात नपर्ने, रोगव्याधी र महामारी घरमा प्रवेश नगर्ने विश्वास गरिन्छ । नागबाबालाई घरको द्वारमा टाँसेर पूजागर्नुको आशय दुःख, कष्ट र रोगव्याधी सधैंकाे लागि हटाेस भन्ने मान्यताका साथ याे पर्व मनाइन्छ । मेराे बुझाइमा थारु समसदायमा मनाइने गुरही पर्व र हिन्दुहरूले मनाउने नागपञ्चमी एउटै हाे । तथापि थारु समुदाय पनि हिन्दु नै हुन् ।
