धनगढी। व्यवस्थापन सङ्कायमा त्रिभुवन विश्वविद्यालयबाट देशभरिमै उत्कृष्ट हुन सफल धरणीधर भट्टलाई आज सम्मान गरिएको छ । कैलाली बहुमुखी क्याम्पस र स्वतन्त्र विद्यार्थी युनियनले उहाँलाई एक समारोहबिच सम्मान गरेको हो ।
कैलाली बहुमुखी क्याम्पसमा अध्ययनरत भट्टले ब्याचलर अफ बिजनेस म्यानेजमेन्ट (बि.बिएम) कार्यक्रममा देशभरिमै उत्कृष्ट हुन सफल हुनुभएको थियो । भट्टले औसत ३.९५ जिपिए ल्याएर त्रिभुवन विश्वविद्यालय व्यवस्थापन संकायमा देशभरिमै उत्कृष्ट स्थान हासिल गर्न सफल भएको कैलाली बहुमुखी क्याम्पसका सहायक क्याम्पस प्रमुख डा। लोकबहादुर विष्टले जानकारी दिनुभयो ।
उहाँका अनुसार भट्टले पहिलो सेमेस्टरमा ३.८८, दोस्रोमा ३.९६, तेस्रोमा ३.९८, चौथोमा ३.९९, पाँचौंमा ३.९४, छैटौंमा ३.९६, सातौंमा ३.८९ र आठौं सेमेस्टरमा ३.९८ जिपिए प्राप्त गर्नुभएको थियो ।
आफु उक्त क्याम्पसमा व्याचुलर भर्ना हुन आउँदा व्याचुलर अफ बिजनेस स्टडिज (बि.बिएस.)पढ्ने भनेर फारम भरी प्रशासनमा बुझाउँदा त्याहाँका सरहरु बाट सेमेस्टर अन्र्तगत ब्याचलर अफ बिजनेस म्यानेजमेन्ट (बि.बिएम) पढ्ने सुझाव पाएपछी त्यही सुझव आफ्ना लागी फलदायी भएको धरणीधर भट्टले बताउनु भयो ।
