धनगढी । धनगढी उपमहानगरपालिका–१६ स्थित थारू होमस्टे आन्तरिक र बाह्रय पर्यटकका लागी गन्तब्य स्थल बन्दै गएको छ। कला, संस्कृतिको संरक्षण गर्ने र धेरैभन्दा धेरै पर्यटक भित्र्याउने लक्ष्यका साथ नेपाल भ्रमण वर्ष सन् २०११ को अवसर पारेर भादा गाउँमा होमस्टे सञ्चालन गरिएको थियो ।
थारु होमस्टे गाउँ भादा पर्यटन विकास तथा व्यवस्थापन समितिका अध्यक्ष लक्ष्मीनारायण चौधरीका अनुसार १७ घरमा सञ्चालनमा रहेको होमस्टेलाई थप सुधार र विस्तार गर्दै अब अटेच बाथरुमसहित २० घरमा सञ्चालन गरिएको छ ।
थारु परिकारको स्वाद लिन चाहने, थारु कला, संस्कृतिमा रम्न चाहने र खोज अनुसन्धान गर्नेहरुका लागि खजाना हो भादा गाउँ । विशुद्ध थारु समुदायको मात्रै बासोबास भएको यो गाउँमा हरेक बर्ष पुस १७ गते थारु होमस्टे भादा गाउँमा महोत्सव आयोजना हुँदै आएको छ ।
‘बाह्य पर्यटकलाई लक्षित गरी होमस्टेको सेवामा सुधार र विस्तार गर्दै गरेका छौं । आएको पहुनाले बाल्टिनको पानी बोकी चर्पी पुग्नु, बाहिर नुुहाउन जानु, समय सान्दर्भिक छैन । कच्चीभित्रै व्यवस्थित रुपमा अटेच बाथरुमको व्यवस्था छ । अन्य होमस्टेमा पनि यही छ,’ होमस्टे नम्बर बाह्रका सन्चालक नरेश चौधरीले बताउनुुभयो ।
होमस्टे सञ्चालनपछि थारु परिकार, कला, संस्कृति, भेषभुषा तथा रहनसहनको संरक्षण तथा प्रवर्द्धन भएको बताउँदै समितिका कोषाध्यक्ष पदम चौधरीले व्यावसायिकताले स्थानीयको जीविकोपार्जनमा सुधार आएको उल्लेख गर्नुुभयो ।
स्थानीयहरुले पर्यटकलाई मनोरञ्जन प्रदान गर्न थारु समुदायको मौलिक संस्कृति सखिया, झुम्रा, मघौटा, लठ्ठी, बैठक्की नाँचलगाति प्रदर्शन गर्दै आएका छन् भने मौलिक परिकार ढिक्री, खरिया, फुलौरी, अण्डीक् भात, खुर्मा, पनझझरा, कचरीक् बरिया, घोंघी, गङटा, सुटही, मुसाको सेकुवा, सिध्रा, महुँवाको रक्सी, चामलको रक्सी र झोललगायतको व्यवस्था गर्दै आएका छन् ।
यतिमात्रै होइन, स्थानीयले पर्यटकलाई गाउँ अवलोकन गराउन थारु समुदायको परम्परागत लहरुमा सवार गराउँदै आएका छन् भने नजिकै रहेको जोगिनिया तालमा पनि डुंगामा सवार गर्ने व्यवस्था मिलाइएको छ । भादा गाउँको करिब डेढ किलोमिटरको दुुरीमा अर्को पर्यटकीय क्षेत्र कोइलही ताल पनि छ । जहा दैनिक पर्यटक हजारौ संख्यामा पर्यटक घुुम्न आउने गरेका छन ।
भादा गाउका होमस्टे सन्चालक तथा स्थानिय वासिहरुका अनुुसार सरकारले गाउँमा कुनै पनि सहयोग नगरेको बताउनुुभयो र्। गाउँमा मुुख्य समस्या खानेपानीको रहेको र सडक र अन्य ब्यबस्थापकिय पक्षका लागी र परम्परागत थारु समुदायको संस्किृति बचाउन सरकारको पहल कदमी आबश्यक रहेको होमस्टे सचिब चेतराम चौधरीर्ले कैलाली बहुुमुखी क्याम्पसका भादा होमस्टे अध्ययनका लागी पुुगेका बिधार्थीसँग गुुनासो गनुुभयो ।